Sayid maxamed
Gabaygii Ba’aye yow sheega

• Ninkii bala’da lagu yeedhiyee bayraq lagu duubay
• Kol hadduusan bara aamin baahi geys noqonin
• Inaan boqorka loo deynahayn ba’aha yow sheega

• Runba nimaan u baydhayn ibleys barale weeyaane
• Buunshuhu bilaash iyo hadduu been ka tagi waayo
• Inaan dhegaha loo balalinayn ba’aha yow sheega

• Baalxaafka waxaa loo sitaa beer wax how dile e
• Ninkii loo burhaan qabay hadduu beyda kari waayo
• Birtiisu ha jabtee inaan la rabin ba’aha yow sheega

• Bogga laga mudyoow fulaygu wuu baydadahayaaye
• Goortuu bidhaan cadow arkuu balow yidhaahdaaye
• Inaan mowdka laga baajinayn ba’aha yow sheega

• Geesiga halkii lagu baxay baa bili ka raacdaaye
• Bilaawaha kolkii uu la baxo looga kala baydhye
• Isaguna buruu leeyahaye ba’aha yow sheega