Abwaan Maxamad . M. Yaasiin / Dhirbaaxo jin

• Miinka gabay murtida xooggaliyo maayado is jiidha
• In dhaweydba moorada sunta leh moorka kama goyne
• Mar haddaan Madaafiic rakibo mur iyo waabay leh
•  
• Midha-yariyo beyd-gaabku waa inay maleegataane
• Bal an mariyo maansadan tirshaa madhaxgal weeyaane
• Duqsi mawdki galaybaa ku dhaca bayl mishiin guba’e
•    
• Nin maroodi daandaansaday oo maanla’ baad tahaye
• Masalooyinkaygii haddaan kugu dul miisaamo
• Miridh bay naftuba kaaga bixi magac xumaaloowe
•  
• Waxad moodi inuu Moodhi-kaar guudka kaa maray’e
• Waranse meel xun laga ridey dibbuu kuu makalayaaye
• Wallee murugo eebbaa u deyey maxay-saleebaane
•  
• Adigay nin miinkaba yaqaan kugu mataaleene
• Way kuu mashxaradeen markaad soo macaaac tidhiye
• Hudheellada waxay marinayeen timi mijiibtiiye
•  
• Dukaamada Mullaaxa gaday orod ku miiseene
• Malaayiin cajaladood ayay soo malmaliyeene
• Markii aan madaafiic ku ridey mur iyo waabay leh
• Iminkay madluun ooyayaan maalin iyo leyle
•  
• Adduunyadan minkeedii lumii sii mushkiladowdey
• Adduunyadan malay dabatadii magaca doonayso
• Adduunyadan nimaan muuqan jirin faan la mari waayey
•  
• Adduunyada minjaha loo rogee maduxu hooseeyo
• Addunyadan majeerteen Isaaq gabay ku maagaayo
• waa maan-barrey iyo maan-Bilaal mahadhadoodiiye
•  
• Raggiise aan la maansoon lahaa aakharo u meerye
• Raagihii mudnaa iyo Qamaan mawdki baa helay’e
• Seyidkii murtida sheegi jirey meel fog buu tegaye
•  
• masalooyin Cali-Dhuux lahaa iima soo marine
• ismaaciil Miriyo Cumar Dagaanan kaga masuugeene
• Adigana inaan kula murmaa way macno la’aane
•  
• Mujiibtuba khasaaray ku tahay badaw Majeerteene
• Mindise lagugu gawraco adaa miiska soo dhigaye
• Adaa soo macaa yidhi sidii maalintii hore’e
•  
• Haddaad tahay muriid aad ahoo miinka ka hingaadsha
• Murtidii Gahaydh iyo haddaad Qaasin muhanayso
• Maarshaalladaa sare haddaad tahay mataalkooda
•  
• Muska maanad jiidheen sidii neef muwaashiyahe
• Kamaad soo mujiibteen runtaan miiska kuu dhigaye
• Waxa jira mashruuc aan la gelin lagana maansoonne
• Dibnahaa maroorsama ninkii mawqifkaa gala’e
•  
• Ma macaasho kii ceeb hablaha ugu miciinaaye
• Majeerteen kuwuu dhalay xabaal kuma madoobayne
• Maanshaa-Allee dumarku waa ma-hurtadeenniiye
• Waa midho inoo wada dhexoon cidi ka maarmeyne
•  
• Midda aad qabtiyo hooyadaa laga mataalaaye
• Maxaa cayda mooskaaga taal magane kuu geeyey
• macdantii xishoodkiyo maxaa sharafti kaa maydhay
•  
• Waase meheraddiinii inaad naago murantaanne
• Mid kaloo ka sii daran maxaad miinka uga qaadday
• Wanka macasha weynliyo maxaad fuud u magawday
•  
• Madaxa iyo calooshiyo maxaa maydhaqyada keenay
• maroongiga maxaa kugu xaqsaday inad ka maahmaahdo
• Mulac iyo mas dabin kuu galoo magac kalluumeed leh
•  
• Idinkuba Malaygii qudhmaad madhax ku sheegtaane
• Waase lagama maarmaan cuntadu maalin iyo leyle
• Masalooyinkaagii maxaa dheri ku meermeershey
•  
• Afartaa sidii mayay onkodey mayska daba miisay
• Miinkaan kaga bilaabiyo miyaan marinki weydaarshey
• Ma mutuxiyey beyd-gaabku waa kala maroorshaaye
• Miinka kalena waa aniga iyo mihindiskaygiiye
•  
• Inaan nahay malyuumaad kun oo meel kastaba jooga
• Inaan nahay dad wada muuminoo badi mashaa’iikh ah
• Inaan nahay dad magac weyn lehoo midhana loo yeelay
•  
• inaan nahay makhluuq aan lahayn meelo laga caayo
• Ma og tahay markhaataad furtoo uunku kaa maqalye
• Micna yare midhkii kaa ku xigey seegtay marinkiiye
•  
• Malaa’iigta Eebbiyo(SW) inaan Maxamed(CSW)caayayno
• Inaan nahay maroongiga dad cuna maalin iyo leylaba
• Inaan nahay macnaha dawladeed dad an muraadeynin
•  
• Inaannaan masuul qaban karayn maamulada guudka
• Ma og tahay markhaatood furtoo uunku kaa maqalye
• labadaba aduunbaa marshoon mid u dhaxaysiine
•  
• Micnahaad u jeedana dadkii maandhow garan waaye
• maskax-yare, malay hadhig ku dabe murammo naagoodle
• Macaan iyo qadhaadh aan is geyin meel isugu geeye
•  
• Masalooyinkiisii shalay maanta garan waaye
• Masayrkii tolkii lagu naciyo gabay majeerteenle
• mabda’ iyo ujeedadu lahaa muujin garan waaye
• Maqalkiyo miskiinyohow indhaha laga madoobeeyey
•  
• dad aan kula martabad jooginbaad maag is leedahaye
• Magaadiyo xabuushaad is tidhi meel u kala qaade
• Maangado abaariyo dirri baad maax ka qodaysaaye
• Geel baad maqaarka u sidaa midhi ka dhiiqayne
•  
• Afartaa micneeyaye waxaan midig ka raacsiiyey
• Taariikh la soo maray haddaan dibuga maansoodo
• Muqdishiyo Hargeisaan ahayn waa midkaad tidhiye
•  
• Maalintuu gumeystuhu ka kacay labada meeloodba
• Mulki aan lahaa iyo inaan dawladnimo muujey
• Mirtii dhexe inaan calan mutuxay qiratay maandhowe
•  
• Haddaad mooddey maandeeq in xoog lagu muquunaystay
• Waad maqashay mooyee adaan joogin madashaase
• Way ku mala-habowsheen kuwii maabka kuu qoraye
•  
• Macnihiyo ujeedadan lahaa waa wax kaa maqanne
• Waxan nahay masayr dad an u dhalan sida majeerteene
• Calankoo midoobaan rabiyo dawlad magac weyne
• Shantii kala maqnaa baan lahaa meel isugu keen’e
•  
• Nebi Muuse tii soo marteed adu ka maahmaahday
• Miskiinyohow midhaa tidhi adaa taagan marinkiiye
• Doqonbaan abaalkiisa marin ka u miciin fala’e
•  
• maxamuud saleebaan markuu deyrka kugu meershey
• Markuu mahurtadiiniyo ninkii magac leh laynaayey
• Lixdan wada maqaaqula markuu joogey madaxiinna
•  
• Magta Cali Saleebaan kuwiii muujiyaan nahaye
• Wabeeneeye miidhi u qabay guday markiisiiye
• Ina kaarshe wuxu maagganaa maanta wuu helaya
•  
• Mabda’ iyo ujeedadu lahaa iyo malihi suurowye
• Miinshaar afdaran buu la helay maxay-saleebaane
• masaal derejo weeyaan hadday midha ku dhaameene
• Iminkay mashxarad iyo xarrago suuqa marayaane
•  
• Afartaa sidii mayay onkodey mayska daba miisay
• Miinkaan kaga bilaabiyo miyaan marinki weydaarshey
• Ma mutuxiyey beyd-gaabku waa kala maroorshaaye
• Miinka kalena waa aniga iyo mihindiskaygiiye
•  
• Abtirsiin mudhaa toosan oo meel san laga uumay
• Oo muuminiintii hore iyo maxamed(CSW) gaadhaysa
• Haddaad midhah aw Jeberti iyo miidha tahay Haashim
•  
• Mingistiyo umaydnaan gasheen gaala madowdaase
• Maatidiinna gawraca Amxaar kuma marsiiyeene
• Keligiin kamaydnaan mudheen midhah soomaale
• Minka faalka Moorada cirka iyo giganahaa muuqda
•  
• masaloba markay kuu baxdaa laga macaashaaye
• Marag maleh minhaajkana la waa meelad kaga taalle
• Hartigaad is mooddiyo ma tihid midhaha Daaroode
• Asalkiinu meeshuu ahaa waydinkaa maraye
• ………

Qoraa:  Hoyga Suugaanta ee Doollo