Maanta suugaanteenii toddobaadlaha ee maalinta Arbacada ee bogga dhugasho, waxaan ku soo qaadanaynaa gabaygan ka hadlaya gabadha wanaagsan.

Afku sheegi kari waa wuxuu uurku qariyaaye
Aragtida jacaylkaa indhaha laga inshaaraaye
Arrimahan waxaa laga helaa ugubka qaarkiiye
Markaan kuu imaadaaba waad abarraqaysaaye
Adinkiyo afkaadaad indhaha abidka saartaaye
Adigoo faraha eegayaan eray ku waydiine
Oogada markaasaad xishood wada iftiintaaye
Orad iyo waxaad isku daydaa inaad awoodaaye
Markaasaan sidii erandhawgii ku hor istaagaaye
Adigoo arlada fiirin baad aayar hadashaaye
Sidi gabadh ardayadoo kalaad aad u gurataaye
Edebtiyo markaasaad anshaxa oonka dhigataaye
Inan yahay akhlaaq iyo maxaa aamus kugu duugan

Hal-buurka Af-guun