Waa tudacyo aan ka soo qaadanay gabay uu samatar baxnaan kula hadlayay Abwaankii gabayada kululaa ee la odhan jiray Yawle.

Adoo macawis iyo shaal sitoo, muunadii boqor leh
Maajeenta ceelkii lahaa, amase maygaagle
Muusiyo Quddayr iyo jafkaad, nala mushaaxaysay
Aduun bays maqiiqaye dhulkaad, magan ku daaqaysay
Maantaad cabbaysay biyuhu, magac lahaayeene
Iminkay mariid kula noqdeen, mur iyo deebaaqe
Muslim meel xun laga qaatay waa, inuu mastuuraaye
Madfac iyo rasaas bay noqdeen, mahadnaqaagiiye
Ma munaafaq baad tahay abaal, waa ku moog yahaye?