Curiye:- Jaamac Ciise

1: deelayda gabaygii in badan deday warkiisiiye

2: dibnahayga waataan ka jaray in aan daliilshaaye

3: maantana diyaar u ma ahayn in aan durdurtaaye

4: afkaan daaha saariyo niyadu way dalbanaysaaye

5: haddiise aan dabuubtiyo ka furo dabarka suugaanta

6: cidna in aan dureeyiyo ma rabo in aan dar maagaaye

7 Caamana danbaa iga wadee kuma dalxiisayne

8: dabargon qabiil bay fureen doorkan maanta ah’e

9: haddise lagu dawoobaayo ay cidi danaynayso

10: rabaa iigu deeqee murtida aan dib ugu laabto
11: derbiyadiyo dhirtoo lala hadlaad daacad noqoteene

12: doqoniino soomaliyay idin ma daawayso

13: dulmigiyo dhibtaad gaysa taan ducuf mayeeleene

14: derejada waxaad moodaysaan dunidan waa ceebe

16: dhiigaa durdurayoo mindaad dacalka haysaane

17: daaraha janadu abid ka xidhan kii dulmiya ruuxe

18: docihiisa gaajaa ku xidhan daayin idankiiye
19: miyaydaan damiirkii lahayn xumaha diidaayay?

20: miyaydaan danaynayn waxay nolosho doonayso

21: miyaydaan duqaydii lahayn doon jiray khayrka?

22: miyaydaan dastuurkii lahayn diinta laga dheegtay?

23: miyaydaan ka daalay qabiil aragte.dawgiiye?

24: miyaydaan marnaba door bidayn damiya baaruuda?

25: miyaydaan qabiil waa duliye daynin magaciisa?

26: Miyaydaan qabiil waa dunshee weli dareen maynin?

27: Miyaydaan qabiil damac malee dib uga joogaynin?
28: dac kastaba ka eegoo qabiil daawo laga waaye

29: waa kaa dalkeenii ka dhigay lama degaan baase

30: waa kaa dadkeenii wacnaa dayr u kala ooday

31: waa kaa degmiyo gobol ka dhigay doolo iyo hawde

32: duur joogta waa kaa ku yidhi dawladnimo qaata

33: waa kaa dilkiyo noogu wacan in aan is dooxnaaye

34: dalshisheeye waa kaa sidii daani noo wadhaye
35: diirkiina ani ila dhashaan xumo u diidaaye

36: dabka dhiga mindida dalow ku rida dalaga aan beerno

37: aan daryeelo agoomaa dayacan doorkan maanta ah

38: aan duqayda dhaahayno iyo dumarka iifoobay

39: dib u beero noloshii mar qudha inaga doorsoontay

40: dar allee walaalaha is dilay dib u heshiisiino