Curiso:- Ciyuuni Geenyo

1. 1. Suugaan  da’weyn iyo malihi,  Gabayo duugoobay
   2. Abwaannimana  kuma doodayoo, Darajadaa diiday.
      
   3. Balse  wuxuu damiirkaygu nacay, Oo qalbigu doonin
   4. Oo madaxa iga daaliyoo,  Diiqad igu beeray
   5. Dawladnimadi Soomaaliyeed,  Inaan dar-jiidhnaaye
   6. Oo uu qabiil dago halkii, Qaran la doonaayay.
      
   7. Inaan kala dibboonoo mid wali, Dagal kasoo jeesto
   8. In qabyaalad aan door bidnoo,  Aan Xaqana duugno
   9. Duullaan inaan kicinno oo,  Deriska aafayno
   10. 10.Dugsi dhaxanta laga galo inaad,  Jabiso deyrkiisa
   11. 11.Walaalkaa inaad dooxdo oo,  Weliba doormoodo
   12. 12.Oo aad daleel jiifsataa, Weyga degi weydey !!
       
   13. 13.Adoo daaqsin wacan haysta oo, Geelu dararaayo
   14. 14.Oo dahabka ceeriin fadhiyo,  Degalladaadoo dhan
   15. 15.Oo gaas dabiiciya lehoo,  Dheeman lagu dayray
   16. 16.Oo maartu ay debadda taal,  Oo dadku ujeedo
   17. 17.Oo miruhu daateen misana, daadku mulacyeeyay
   18. 18.Badahoo dilaamiyo adoo,  xeeb la dego haysta
   19. 19.Oo webiyo ay dulundulcayn,  dalaggu uu hawray
   20. 20.Dawarsiga shisheeyaha aniga, weyga degi weydey !!
       
   21. 21.Daaqii ninkale kuu hayaa, Dayro kaa xiga’e
   22. 22.Daaskaaga waxan kuugu jirin, Dacas ma gooyaane
   23. 23.Adoo diin Islaam haysta oo,  Derajo weyn gaaray
   24. 24.Dulmigii naloo diidayoo,  Daayin naga reebay
   25. 25.Inaad daadisaa dhiig walaal, Saw dembiba maaha?!
   26. 26.Shalay baan kun soo dilay inaad,  Dunida gaarsiiso
   27. 27.Oo aad dirkaagii jartaa,  Weyga degi weydey !!
       
   28. 28.Nin qabiilku daashaday wallee, dubay dhalaankiise
   29. 29.Duul wax badan qurbaha daadsanoo, barafka doormooday
   30. 30.Wax dalkiisa ugu diirnaxayn,  Wayga degi weydey !!
       
   31. 31.Rageenni qarbigu ducuf kadhigay, Ee xarrago daayey
   32. 32.“NINE-NINE”ka loo wada dalbee,  Dibinta ruugaaya
   33. 33.Oo derajadii uu lahaa,  Dumarka loo meershey
   34. 34. Waxaydaan ba ugu diirnaxayn, Weyga degi weydey !!
       
   35. 35.Caruuraha dullooboo ku dhumay,  Dunida guudkeeda
   36. 36.Oo diima kale qaatayoo,  Aan dan laga yeelan
   37. 37.Waxaydaanba ugu diirnaxayn, Weyga degi weydey !!
       
   38. 38.Aan tusaale kale doono oo,  Idin dareensiiyo
   39. 39.Adoo dalawo geel haysta oo,  Kaynta wada daaja
   40. 40.Haduu cadow kusoo doonto oo,  Kugu dawaareeyo
   41. 41.Oo daqarro kaa jeexo oo, Daabna kugu jiido
   42. 42.Oo geela kaasii didsado, Debacna kaa qaado
   43. 43.Sidii aar halweyn soo dishaday, Kugu dinaahyeeyo
   44. 44.Oo kugu dul geeraaro oo,  Kugu damaashaado
   45. 45.Adigaa walaalkaa diloo,  Jaray dirkaagiiye
   46. 46.Damiirkaagu suu noqon lahaa,  baan ka digayaaye
   47. 47.Nin qabiil dugsanayoow adaa,  kaa kasii darane.
   48. 48.Dib u fiirsha aayaha dambiyo, Duulka Iman doona.
       

1. 1. 49.Waxba Gabaygu yuu ila durkine,  Waxaan ku soo deyray
   2. 50.Qarannimo ninkii diidayoow,  Quursi baa darane
   3. 51.War hoy aan dar qudha ka cabno oon,  gaalnimada diidno.
   4. 52.Oo Aan Islaam lagu daydoo,  Daacada ahaano
      
   5. 53.Daruur curata Eebbow nasii,  Oo nawada deeqda
   6. 54.Kulli waan dambaabnaye allow,  Diinta nagu leexi
   7. 55.Xareed dulundulcaysiyo Rabboow, Roob nawada dooji.
      
   8. 56.Xumihii mid naga daahirshoo,  Diifti ku illowno
   9. 57.Oon derin kuwada jiifsanoon,  Deris walaalawno
   10. 58.Oo aan dorraad waan gafnee,  Dib uga waantowno
   11. 59.Nimcadaan annagu daadinniyo,  Aan xaqii dalabno
   12. 60.Ducadaa Ajiiboo Alloow, Oofi Dalabkaygan . Aaamiin.