Cabdulaahi suldan tima cade

MAANDEEQ

• Gabay tiriyey cabdulaahi suldan tima-cade
• Gumaysigu hashuu naga dhacay een gurayay raadkeeda
• Guyaal iyo guyaal badan hashii hama’a noo diiday
• Goobtay istaagtaba hashaan joognay garabkeeda
• Guura habenimo hashan gabi walba ujiidhay
• Waxaan soo guleyahaba hashaan rag is ku soo gaarnay
• Gaashaan dhigeedii hashuu galowgu eedaamay
• Hashii geedankeedii rag badan goodku casheeyey
• Hashaan labada gaal ee is barkani gedh u dirireysay
• Gacmaa lagu maquunshee xornimo nooma ay garane
• Allaa noo gargaaree marku shicibku guulaystay
• Geeraaradeedii hashaan anigu googooyey
• Galoolkiyo maraagiyo hashaan kidiga geylaanshay
• Gaajiyo haraad badan hashaan ugu garaacaayey
• Goortuu sidkeedii go’ay eey galabii fool qaaday
• Iyadoo candhada giijisey oo godol ku siidaysay
• Garaad nimaan lahayn bay la tahay waad ka gaagixine
• Annagoon gantaalada dhiciyo heysan qori gaaban
• Hashaan gaada weynioww libaax uga gaboon waayey
• Inaan goraya cowl uga tagaa waa wax soo gudhaye