Jawaab iyo fal celin nagama soo bixin aniga iyo hudaba waxa aan mar kale ku ceshay aabbo siday wax u jiraan maxaase dhacay wax noo sheeg. Hibo  waxay noogu fal celisay heestii ahayd:-

Caashaqu wadaad ma leh

Aamina Cabdullaahi xirsi

Weligeed aduunyada

Wakhtigaa qof saacida

Midna waayahaa xidha

Labadaase waxaan ahayn

Horaa looga waayee

Waa nin iyo waagii

Aniguna wixiisiga

Waxaan wiida la hayaa

Iigu wacan waxyeellada

Webibayla sara kacay

Caashaqu wadaad ma leh

Walaalowna kuma hadho

Waanwaanna kala tage

Waxba hay dabiibina

Wadka aan is aragnee.

Webi bayla saratagay

Waddadiina ka ambaday

Sidi weel dalooshamay

Biyo looga webiyaa

Waanadu i dhaaftaa

Culimada wanaagsani

Cammo iyo watiin iyo

Waduxaa’i oo idil

Hadday igu wareejaan

Walbahaarku ima dhibo

Caashaqu wadaad ma leh

Walaahawna kuma hadho

Waanwaanna kala tage

Waxba hay dabiibina

Wadka aan is aragnee.

Hibo:- Horta aabbo naftayda iyo nafihiinaba kuma eedaynayo guuldarrada aan kala kulmay nolashayda wax walba waa qoraal iyo qaddar Alle Aabbo

Ogowna Aabbo qadar walba wado uu ku socdo ayuu leeyahay u fiirso Aabbo fatahaadaha webiyada iyo baduhu waxay ka bilaabmaan dhibic yar oo biyo ah ilaa ay ka noqdaan wax aan la xakamayn karayn. Dhibicdaas ay ka billaabmeen laguma eedeeyo  fatahaadaha dhacay se waxaa loo qaadaa in ay tahay qaddar iyo qoraal Alle Aabbo

Aabbo waad ka qanci kartaa qof kugu waynaa oo dunida kugu cidleeyay. Waad ka samri kartaa qof aad nolosha wadaagteen oo aad haddana is fahmi waydeen, se Aabbo xasuus ka xuni ma jirto qof aad jeclayd oo ku lugooyay ama nolasha kugu cidleeyay si kas ah weliba Aabbo.

Waxaa Aabbo ii caddaatay odhaahdii ahayd:

“Qof uu doono ha ahaadee, ha siin qiimo ka sarreeya qiimihiisa  waayo hadhkaaduba gudcurkuu kaa gabbadaa Aabbo”. Waxaan Hibo is xog iyo xaal waraysanaba waxay hadalkii noogu soo gabagabaysay:-

Aabbo weligaa qof ha ku kalsoonaan, maxaayeelay kalsoonidu haddii ay baaba’do ogow Aabbo qalbigaaguna in uu burburayo.