Kulligiinba soomaaliyey hadalki oo kooban

Koran buubi iyo qaalimaad karinle mooddeene

War bal kow dheh faallada hub baad kuray u dhiibteene

Afartaa kabaalkaw dhid baye waxaan ku koomaalay

…

Kubka wuu ka naaftaa addoon kibir lug gooyaaye

Kataan lagu khasaaraa jirtiyo kibis la eedaaye

Anba keli ahaantay kolkaan furay kataantayda

Kalxan aadmi oo dharagtay baan kaadso garanayne

Kolkay qooqday soomaalidii koran dhallaanowday

Kurkure iyo kanaafyaa qabsaday oo kurkaa xidhane

Kubbad lagu ciyaaray u tahay kooxo faraweyne

Kolkay goolka kurahaw tagtana koone lagu laadye

Kumaa badin kanaan degay khamaar laysku kaba beelye

Kilaasyuukuhuu soo kawira kaamil baa jaraye

Kadiyana kolkuu raani degay baashe lagu kiilye

Kaafina kolkiisii wuxuu kurubka dhaafaaba

Rag baa kaararkiisii ku cunay bii karaawila’e

Kasna taladi eeddaye kolkuu kaalin sare gaadhay

Kor intuu idiin wadi lahaa bayl idiin kariye

Dalkii kobacsanaa jeer dhawayd kira gab weeyaane

Kambadhuudhsay awrkaad lahayd wuu kabtiyayaaye

Kax bannaan hayaankii la taag iyo kaliil dheere

Sidigtii karood baa ku dhacay kuruska weynayde