Q-28 Sheekadii guursatayee maxaad…

 

Waxaan gabadhii laqaatay wakhti badan waxaan xafadda ka mid noqday dadka ay waxna ka go’aan wax kastana lagala tashto waxan halkas ka helay farxad waxaa laysiiyey kalsooni iyo walaltinimo badan gabadha aan la joogo dhamaan ilmaheeda waxay i dhahaan Hooyo Xaawo-Luul aad ayaan u murgaa oo waxaan markaas xasuustaa Ilmahaan iska soo xaaray, Alla wax ka wanaagsan inaad hoyo noqoto waan shalaytoodaba markasta waxaana noqdaa qof nolashiisa u arka inay danbi wayn ku dhacday. Waxaan u sheegay hooyaday iyo reerkayga inan halkan iska jogayo oon doonayo inan ka shaqaysto oon iska joogo wan u shegay in sharcigii dalkana lay keenay oon haysto waxan u shegay inan haysto gabadh wanagsan oo diin leh oo iga dhigatay walashay oo kale marka waxan dhaman reerkayga ka codsaday inay ii duceeyaan oo Ilaahay ii baryaan wax kale kama codsan hoyaday iyo abahayna uma sheegin lacagta iyo dahabka layga dhacay umana sheegin inan soo xaaqay ilma ku jiray calooshayda.

Waxaan shaqo ka helay meel an iga fogayn, oo guriga gabadha walashay ah waxay shaqadaas ahayd mid cunto karina, waxaa magalada Nairobi ka jira maqaaxiyo yaryar oo dhalinyaradu dhahaan (Gaabay Gaabay) waxaana wax ka cuno dhamaan inta ugu badan dhalinyarada iskaa bulada waxaan halkas ka qadan jiray 150$ dolar waxaan intaas nolashayda uga dhigi jiray kayd, bahiyahayga gaarka ahna wax baan uga qabsan jiray, waxaan halkaas ku bartay gabdho badan iyo wilal badan, dhamaan bulashadii wan is wada fahanay, waxana noqonay dad isdhax galay ooba isyaqaanay sanado badan, waxan halkii muddo joogaba waxaan is baranay wiil kamid ah macaamiisha maherada cunada, waxaan wilka isku fahanay inan nolal wadagno, wuxuu noqday wilki qalbihayga daga, wuu i dhax galay, si wanagsan ayaan jacayl ugu qaaday asagana sidoo kale waa ii siiyey dareen iyo wehel jacayl, waxaan sheekaysano muddo dheerba wuxu ii soo bandhigtay guur waana ka aqbalay, guurki waayo waxaan aad u doonayey inaan ka baxo nolashan kalinimada ah iyo inan ka kabto nolashii i soo martay ee xasusteedu baaqiga igu sii ahayd.

Xumaan aan wilkas ku arkay ma jirin, waxa u ahaa dhalinyarada wax ka cunta meshan jogay qofka ugu aqyarsan, ma hadal badnayn, mana ahayn qof xun dabeecad ahaan. Markii an guurkii ka yeelay ayuu wuxu isheegay inuusan haysan hanti badan, balse dhowr kun haysto, donayana inuu igu doonto waana ka yeelay, reerkaanagi ayuu la hadlay, anna wan u sheegay walidkay inan wilkan aniga jeclahay, sheekaysanana, donayana inan nolasha la wadaago, waxayna igu duceyeen wilki waana i meheriyeen, ayakoo ku farxay inaan gursado, madaama aanka soo fogaday, balse reernimadayda ay u tahay farxad. Waxan wilki wada dhiganay hal qol oo ka mid ah gudaha islii, sariir iyo alabo yar, ma anan dhigan aroos wayn oo la sheego, balse aniga nolashiisa wan ku faraxsanahay, waana ku jeclahay inan kula noolaado sidan uu asagu rabo anna an la rabo. Waxaay gabadhi aan la joogay ii hoyisiisay si wanagsan, garabna way ii noqotay, oo waxayba ii soo samaysay igana bixisay kharashkeda oodkicii (Murmure ama Colobti) ayey ii samaysay, ina sisay, waxayna wilkii ula dardarantay si hoyonimo oonka helay, run ahantii waxaan sidaas nolashanadii ku bilabano wiilku ma haysto shaqo sidaas u wayn wuxuu ka shaqeeyaa tukaamada islii, wuxuuna qataa lacag dhan 200$ dolar run ahanti nolashanada kuma filna marka si loo eego, balse wan iskaga qanacsanahay, waana ku rabaa, wayo waxaan la wayin waxaa jira lacag, waxan asaga markasta siya nolal farxadeed oo uu ku qanco kuna farxo.

Balse markaan muddo ahayn reer dhisan sanad ayuu wuxuu bilabay nolal ka kadisan nolashaan isku baranay een ku wada jognay, wuxuu sameyey habeen dhax iyo in uusan ila hadlin oo xataa i oran seetahay, waxaan u kariyo ma cunayo, waxaan isku dayey inan wuxu qarsanaayo la wadaago oon ogaado, markaan hadalka ku badiyo wuxuu igu hanjabayaa inan kadayo hadalka badan hadii kale uu ii qaadayo gacan, waxaan sidii kula joogo muddo bila ah ayaan u adkaysan wayey, waxaa siibatay haben dhixiisa 7 bari ayuu iga maqnanayaa uuna i siin biil uusan i soo wicin, hadaan wacana uusan iga qaban, anigii waxaan garan waayey wuxuu sidan iskugu badalay, waxan isla hadlay gabadhii uma sheegan karo dhibkayga, oo wan ka xishoonaya, waxan sameeyo ma aqaan, hadaan shaqaysan lahaa waxan ka baqaya in lay waydiiyo dhibka I hayo, ninkaygoo nool waxan u shaqaynayo, waxan sidaas ahaadaba, waxaan maalin go’aansaday inuu ii sheego sababta uu isku badalay, markaan su’aalo badan waydiiyey ayaa asagoon ii jawaabin wuxuu igu bilaabay feedh, aniga waxaan garan wayey meel layga yimid, waxaan noqday qof miyir beelay, waxaan soo nafisay anigoo wada dhiig ah, oo meel kala aala ilkuhu way i ligliganayaan, anigii oodhan meeshaan taabtaba waa i danqanaysa, koodka isha agteeda ah waa i madoobaaday, timaha way i wada danqanayan oo manto dhan marku i feedhayey waa i haystay, waxaan aad uga sii naxay oo dilka iiga darnaa, waxaan arkay miiska waraaq taala, waan eegay mise waa furitaankaygii! anigii xanunkii i hayey mid ka sii wayn ayaa igu sii dhacay waxaan iska dhaqay dhigii anigoo aad u danqanayo, waxaan iska uruursaday dharkaygii waxaana kaalmo ka soo dontay gurigii gabadha ee layga guursaday sanad iyo bilooyin ka hor waxaana soo garaacay gurigii waxaana iga furtay gabadhii oo aad uga naxday markii ay aragtay dilkayga horaa loo dhahay (Naag lafuray fadhi uma yaalo.)

 

By Zubeer Haybe.