- Dha’da gabayga dhaxalkii murtida, dhamiba suugaanta
- Dhambaaliyo tusaaliyo wax-sheeg, laysku wada dhaabay
- Farwaawayn anoo kuugu dhigi, una dhawaaqaaya
- Anigoon dhaliilayn hablaha, dhiirigalinaaya
- Dhigta aqalka noo haysa ee, dhidibta weeyaane
- I dhagayso adigaan da’yarey, kuu dhimrinayaaye
- Dhab-ka-hadalka maansadu illeen, dheeman kaba roone
- Naf dhamaatay iyo dhool galbeed, dhawrid malahayne
- Nin qabyaalad dheef moodayaa, dhoomay weel madhane
- 10.Dhiig sokeeye waa dhaxal madaw, dhagar la eedaaye
- 11.Hayb-hayb haddii loo dhambalo, way ku dhacantaaye
- 12.Dhag hadday wax gaadhaan tan kale, way dhanqalantaaye
- 13.Soomaalaa tusaa laha ka dhigan, waana shay dhabahe .
- 14.Dhalinyaro qabyaaliga tirtira, waa dhaliil sugane
- 15.Dhaqdhaqaaqa xooggiyo xubnaha, waad ku dhererteene
- 16.Dhimirkiyo xiskiinniyo qalbiga, waad ku dhigateene
- 17.Dhuuxiyo laftiinnay gashee, dhaqa quluubtiina.
- 18.Wax u dhigo ifkoo qudha ma aha, Aakhiraa dhimane
- 19.Hana dhigina buugaagta oo, dhigo duruustaada
- 20.Wakhtigii ku dhaafaa la mida, dheemankaa lumaye
- 21.Dhiil daatay caanaha dambaad, dhuub ku qabataaye
- 22.Dhakadoo la taabtana ma jiro, xubin la dhaafshaaye
- 23.Dhalinyarada soomaaliyeed, waa laf dhabartiiye
- 24.Dhankiinnaa war hooyaan la dhihin, shay dhaleeca ahe
- 25.Dhididkiisa ruux maalayana, dharag ku naallaaye
- 26.Dhacadiid u seexdaha wahsada, ceebi dhiniciise
- 27.Sacabkoo la dhiibtaa xigtee, dhawrta sharaftiinna
- 28.Dhaqaaliyo wax-soosaar higsada, yaan la dheelliyine
- 29.Sumcaddana ha dhaawicin milguhu, dheefka qarawayne.
- 30.Intaan waano kuu dhuray anoo, talada kuu dhiibay
- 31.Ha ka dhigan warkaygiyo murtida, biyo colkuu dhaanshay
- 32.Dhalinyaro xilkii naa dhisoo, aad isaga dhawra
- 33.Hana noqon dhurwaagii hashiyo, nirigta dhuun-gooyay
dhugasho.com 