Ragga laguma dayo shay haddaad diidday waa hore’e.

Dadna waa la dhawraa Haddaad daris wadaagtaane

Nimaad duunyo wada leedihiin looma duur xulo’e.

Danyar laguma jeesjeeso iyo maato taag darane

Damiirkaaga lama iibsadiyo sharafta duuggaahe

Xeerka iyo haddii dawga iyo diini qabanayso

Danbi wayn ninkii galay qabiil looma daafaco’e

Danta guud waxaan door lahayn looma daayaco’e

Deeqlihii carrada kaa alkumay dunidan aan joogno

Cilmiga iyo diintiisa waa laga danbeeyaaye

Danbi lagama galo ruux hadduu daacad kuu yahay’e

Lama dilo haweenay haddaad dadab wadaagtaan’e.

        #Axmedshilke2020