Xashaalillee xaal adduun waa xujiyo yaab weeye

Xamxam iyo xidaaraysi iyo  xan iyo ceebtaada

Aadmiga xurmada loo unkaday ee xaadir kula jooga

Iga xulo xisaab aad degtiyo xeelad kale weeye

Anigaa xilqada oogu mudan xaasidnimo weeye

…

Xubi iyo xabiibtiyo jacayl xiisad qudha weeye

Xigmad iyo xaqiiq laysku daray xaaja adag weeye

Nin xumaanta keydsaday Iblays xulufadii weeye

Xaglo laaban oon xoogsanayn xeedha madhan weeye

…

Xisbigii adduunkoo dhan iyo diintu xadhig weeye

Xaqa iyo xadiis iyo qur’aan xulashadii weeye

Aadamaha xil lagu aaminiyo xeer matali weeye

…

Dhinacyada kuwaa xiirtay ee foodda xanankaale

Iyo xaaji biidaar leh oo koofi xidhanaaya

Sida uu xawaaraha wakhtigu kugu xambaaraayo

Odayaasha xaalxaalliga ah waa xarraga doone

Af-guun