Maahmaahyada soomaalida waxay Kaalinta koobaad kaga jiraan waraarujinta bulshada. Waxaa hore nin laga sheegay, oo uu tolkii kula dardaarmay, in maahmaahyada iyo diinta la raaco. Xikmadda ay xambaarsan yihiin maahmaahyada qaar waxayba ku dhaw yihiin xikmadaha diinta. 

Maanta waxaan halkaan ku xusaynaa mawduucyada ay maahmaahyada soomaalidu ku kala arooraan. Waxaa ugu muhiimsan seddex mawduuc. 

1. Talo

2. Tusaale iyo

3. Digniin

Maahmaahyada tusaalaynta ah:-

Af daboolan waa dahab

Biyo meel godan bay iskugu tagaan

Nin xilqaaday eed qaad

Baadi nin aan lahayn bay ag joogtaa

Shimbirba shimbirkiisuu la duulaa

Gacmo wada jir bay wax ku gooyaan

Gari laba nin kama wada qosliso

Hubsiimo hal baa la siistaa

Wax la qariyo qudhun baa ku jira

Far kaliya fool ma dhaqdo

Nin qoyan biya iskama dhawro IWM.

Maahmaahyada digniinta ah:-

Waari mayside war ha kaa hadho

Intaadan falin ka fiirso

Nin aan kuu furi doonin yuusan kuu rarin

God khiyaano ha qodin ku dhici doontaana mooyiye

Timirba laf baa ku jirta

Quud aan jirin qoryo ha u guran

Adduun waa hooska labadiisa galin IWM.

Talo:-

Barasho horteed ha i nicin

Dantaada maqaar ey baa loogu seexdaa

Ama tala keen ahow ama talo raac ahow

Sidaad dooni hadaad weydo sidaan ku hurayn baa la yeelaa IWM.

Haddaba maahmaahyada soomaalida sii dhugo oo aad uga dhuux mawduuca ay ku saabsantahay adigaa kala saari doona insha Allah