Isma burin bayaankaan rabiyo bixisadaydiiye

Ballantana sidii baan rabaa inaan ku beegaaye

Waxba aniga laygama baddalin barashadeeniiye

Ma baylihin axdigi loo biltamay waan u bogayaaye

Hayeeshee badhkeen baa sinnayn labada baalloode 

Adigaana badawow lahaa booska dheelliyaye

Anigana bartaydaan hayaa baaqigii hadhaye

Waxaan barigi kugu aaminaa baaday lumaye

Basanbaaska waxa noogu wacan baadi baa tahaye

Haddii aynan bayd laysku yidhi wada bariinaynin

Maxaan nolasha buunbuuninaa waa baq iyo dhay’e 

Af-guun