Gabyaa caan ah oo la odhan jiray Daahir Cali Nuur ayaa wuxuu dareemay in ficillo iyo hadallo uu qoonsaday kula kacayaan qolo uu la joogay, markaasaa habeen la isku kansho helay meel lagu caweysimayo wuxuu ka tiriyay gabay uu kula hadlayo, waxna ugu sheegayo dadka isaga daandaansiga ku haya, wuxuu yidhi:-

Aarka oo qatimay oo qatimay quudna ka abaaday

Qaxar weeye gaajee hadduu qaadan kari waayo

Qarriduu jiraayiyo hadduu qawgi ka imaado

Qolqol reera ooteen hadduu qoobka soo galiyo

Ma qummane’e waa maxay haddii nabar la qaysqayso

Qarjajaaba oodeed hadduu qun uga soo boodo

Wuxuu qoobka saariyo wuxuu qoorta jabiyaaba

Isagoon is qarinayn hadduu qawlalada leefo

Eebbahay un baa qaban karoo waa qalaadyahaye

Anna qaabki baan ahay haddii la i qulleeyaaye

Inta aanan qablamin yaa dadaw qaybti ku ekaada

—

Qaniinyadu ninkay gaadho oo halaqu qaysqayso

Wax u qoda wax soo qooya iyo qararri soo diira

Qayrkii ma gaadhiyo ninkay qooqi jiray waayo

Anna qaabki baan ahay haddii la i qulleeyaaye 

Inta aanan qablamin yaa dadaw qaybti ku ekaada