Xaaji Aadan oo ka hadlaya shacabka iyo sida gurracan ee doorashooyinka, ayaan soo qaadanaynaa arar ballaadhan oo uu iskaga garsheeganayo laf ahaantiisa, iyo sada uusan hadda wax u qaban karin. Gabayga oo dhammaystiran waxaad ka raadisaa Doollo.com.

Sidi aar gabooboo ka jabay gaabatada lawga

Oo gabannadii laga fashilay geedu hadhinaayay

Oo nimanki godobtiisa qabay gun u jalleecaaya

Oo aan itaal wuxu galiyo orod ku gaadhaynin

Oo keyn intuu cadha la galay gawnaxyada buuray

Goortaan garwaaqsado dhibaha shicibka gaadhaaya

Asaan gabay arrimo dhawr ah oo ila gudboonaaday

Waa waxaan xabaallaha u galay geerida horteedee

Cimrigii da’ kula gaadhay waa guuldarriyo ciile

Haddaan amar Allaan laga gudbine gabi ahaan fiirsho

Garaw iyo ku dayashaan dayaxa gees la leeyahaye

Isagoo geyiga nuuriyuu guud maraa saxalee

Ma gudhsado adduunyada ninkii godal ka maalaaye

Nina keligi gaar uma lehe’e galabba waa meele

Waagii guduutaaba waa waaya gooni ahe

Hadba cirirku meeshuu galuu saxal u guuraayee