Nolaley warmoogey

Waan kuu warramayaa

Waqal aad ku faraxdiyo

Waayaha cidhiidhyoon

Waa laba wareegtee

Wajiyada is dabayaal

Arrimaha wacyiga sida

Wakhtigii yimaadaba

Waa wehel tagayee

Weligaa ogsoonoow

—

Kuma waartid dunidee

Labadeeda waaxyood

Midna waasan kuu bari

Midna waa wad iyo ciil

Wakhtigii yimaaddana

Waa wehel tagaayoo

Warinaaya camalkee

Waligaa ogsoonow

—

Is waydaarka aayaha

Waa wadhaf la tuuroo

Kolbay gacanta wabaxaa

Waadaanta sidataa

Kolla wayrax iyo oon

Naftu waajil mudataa

Wakhtigii yimaadana

Waa wehelka tagayoo

Warinaaya camalkee

Waliga ogsoonoow

—

Danta waaya-aragiyo

Wax ka baro duruufaha

Waxyigaad ku dhalatiyo

Waysada la kaashoo

Ha ka waaban murugada

Af-guun